Американскиот модел и актерка Емили Ратајковски ја објави првата епизода од нејзиниот подкаст High Low со EmRata.
Во првата епизода од нејзиниот подкаст, 31-годишната супермоделка искрено зборуваше за својот личен живот, а исто така го сподели и својот став кон сексот на првиот состанок.
Ратајковски, која се разведе од сопругот Себастијан Бер-МекКлард пред два месеци по четири години брак, зборуваше за тоа колку долго чека пред да се интимизира со нов партнер.
„Многу размислував за тоа. Многу луѓе мислат дека сексот на првиот состанок е нешто срамно. Ако и вие така мислите, тогаш дефинитивно не треба да го правите тоа. Лично, ми е непријатно кога мажот сексот на првиот состанок го доживува како победа и верува дека ме „закачил“. Подобро е да не се плеткате со такви мажи “, рече Ратајковски.
Манекенката додаде дека по разводот со сопругот „не бара голема љубов“, но сепак сака нешто повеќе од само секс.
