Двајца режисери кои работеа со Брус Вилис открија дека биле загрижени за неговиот когнитивен статус пред да биде објавена неговата дијагноза на афазија минатата среда.
Семејството на актерот на легендарниот филм „Die Hard“ минатата недела објави дека 67-годишниот Вилис се повлекува од актерството бидејќи страдал од афазија, состојба која влијае на способноста на една личност да комуницира.
Во долгиот извештај на Лос Анџелес Тајмс објавен подоцна, двајца режисери се присетија како се грижеле за Вилис додека тој се борел со неговото сеќавање на снимањето.
Станува збор за Мајк Барнс, кој работел со Вилис во „Out of Death“ од 2021 година, и од кого било побарано значително да го намали дијалогот на актерот.
„По првиот ден од работата со Брус, успеав да го видам од „прва рака“ и сфатив дека е во прашање поголем проблем и зошто од мене се бара да ги скратам неговите дијалози“, изјави Барнс за весникот.
Кога Бернс бил замолен да работи со Вилис на следниот филм, The Wrong Place, режисерот на почетокот бил уверен дека актерот се снаоѓа подобро, но подоцна открил дека греши.
„Тој всушност беше многу полошо“, рече тој за снимањето во октомври. „Откако завршив со филмот, реков: „Ох, завршив. Не снимам повеќе филмови со Брус Вилис“.
Во меѓувреме пак, Џеси В. Џонсон, кој го режираше филмот „Бел Слон“, нов филм на Вилис по филмовите на кои работел неговиот коега Бернс, рече дека веќе ја одбил можноста да снима уште два филма со Вилис по неговото искуство минатиот април.
„Како тим одлучивме да не снимаме друг филм со Вилис“ сподели искрено Џонсон. „Сите ние сме фанови на Брус Вилис, но аранжманот беше погрешен, ова е прилично тажен крај на неверојатната кариера на глумецот“. „Но сепак, на претходното снимање никој од нас не се чувствуваше удобно“.
Ѕвездата Тери Мартин, супервизор на продукцијата на White Elephant, рече: „Изгледаше многу изгубено и рече: „Ќе дадам се од себе“. Тој секогаш даваше се од себе, тој е еден од великаните на сите времиња и имам најголема восхит и почит за неговата работа, но време беше тој да се пензионира“.
Лос Анџелес Тајмс пишува дека неодамнешното снимање на филмот на актерот било ограничено на два дена и често работел само четири часа наместо осумте договорени. Исто така се тврди дека тој пред да ги изговори своите реплики ги слушал преку слушалки и дека во повеќето акциони сцени бил користен двојник.
Дополнително, реалити ТВ ѕвездата и актерка Лала Кент тврдеше дека Вилис пукал со наполнет пиштол во празно на погрешен знак на сетот на „Тешко убиство“ во 2020 година. „Требаше да каже реплика пред да пука, но заборави да го каже тоа и пукна два пати. За среќа, никој не беше повреден“, а две лица пак, го оспорувале инцидентот.
Вилис и неговите претставници одбија да коментираат за тоа што се случило.
