Српската фолк ѕвезда Драгана Мирковиќ соопшти дека е поднесена тужба против лице кое злоупотребило идентитетот на нејзиниот син Марко Бјелиќ на социјалната мрежа Тик-Ток.
Пејачката, која е позната по тоа што ретко коментира приватни теми, овојпат реши јавно да реагира, бидејќи некоја девојка креирала лажен профил со името на нејзиниот син, користејќи го за измами и привлекување следбеници.
„Ова е лажен профил на Тик-Ток.! Поднесена е тужба против девојката која се занимава со вакви измами“, напиша Драгана на својот Инстаграм, јасно ставајќи до знаење дека нејзиниот син нема никаков профил на оваа мрежа.
Среќна баба – ново поглавје во семејството Мирковиќ
Само неколку недели претходно, пејачката ја сподели најубавата вест, стана баба за првпат. Нејзиниот син Марко и снаата Мелани, кои живеат во Виена, добија ќерка во приватна клиника, далеку од очите на јавноста.
По раѓањето на бебето, Драгана се огласи на Инстаграм и сподели фотографии од семејната прослава во својот замок во близина на Виена, каде што гордо позираше во маичка со натпис:
„Најгорда баба на светот.“
