Новото продолжение на анимираниот филм „Кралот Лав“ ќе се појави во кината во 2024 година, објави продукциската куќа „Дизни“.
Станува збор за „Муфаса: Кралот Лав“ (Mufasa: The Lion King), што е всушност претпродолжение на филмот од 1994 година и на неговата преработка – играниот филм од 2019 година.
Приказната го следи животот на таткото на лавот Симба – главниот лик од оригиналниот цртан филм. Филмот е во претпродукција, а ќе се снима во Јужна Африка.
Во актерската екипа, засега се најавени Арон Пирс, Сет Роген, Келвин Харисон Јуниор, Били Ајшнер и Џон Кани.
