Џони Деп штотуку потпиша договор со „Диор“ за да стане заштитно лице на нивниот машки мирис „Sauvage“, пренесува TMZ, кој, повикувајќи се на извори блиски до „Диор“, тврди дека се работи за повеќегодишен договор вреден најмалку милион долари.
„Кажано ни е дека договорот бил склучен неодамна и бил зацементиран откако скаутите на Диор и познатиот моден фотограф Грег Вилијамс присуствувале на еден од рок концертите на Џони и Џеф Бек во Париз како знак на поддршка за Џони Деп“, пишува TMZ.
Изворите велат дека Грег го фотографирал Џони Деп пред и по ревијата во Париз, а содржината ќе биде искористена во новата рекламна кампања на „Диор“.
Џони првпат потпиша за „Диор“ во 2015 година како заштитно лице на колонската вода, а договорот сега е обновен. Откако Амбер првпат се огласи со нејзините обвинувања против Џони, рекламата за „Sauvage“ престана да се емитува на телевизија. Рекламата на Џони почна да се емитува во ударниот термин на FOX откако тој постигна победа во судницата против Амбер, а сега доби нов договор кој ќе трае со години.
