На 1 јануари 2023 година, првиот ден од оваа година, светот на кинематографијата беше шокиран од веста за речиси фаталната несреќа на глумецот Џереми Ренер. Актерот сега проговори за прв пат од тогаш за тоа што го преживеал.
Актерот доживеа голема несреќа од машина за чистење снег пред неговиот дом во Невада и брзо, по повик за помош, беше однесен во соба за итни случаи и беше во критична, но стабилна состојба.
Несреќата настанала кога тој се обидувал да го спаси својот внук, но за малку самиот ќе умрел.
Дијагнозата му беше „затворена градна траума и ортопедски повреди“.
52-годишниот актер беше прегазен од машина тешка 6.500 килограми поради која скршил повеќе од 30 коски.
Jeremy Renner will give his first interview since the snowplow accident with Diane Sawyer titled ‘A STORY OF TERROR, SURVIVAL AND TRIUMPH’.
The special will release on April 7 on Disney+ pic.twitter.com/n0PfnXzzUD
— DiscussingFilm (@DiscussingFilm) March 29, 2023
Во текот на интервјуто актерот не можеше да ги задржи солзите додека зборуваше за несреќата во која се здоби со тешки повреди опасни по живот.
– Се сеќавам на се. Бев буден во текот на сето тоа – откри Ренер.
Ренер се обидувал да користи плуг за снег за да му помогне на својот внук да го извлече автомобилот од длабокиот снег во близина на неговиот дом, но заборавил да ја стави сопирачката кога излегол од возилото за да му помогне. Плугот потоа почнал да се тркала кон внукот на Ренер, а кога актерот истрчал да се обиде да се врати внатре и да ја контролира машината, тој бил повлечен под неа и смачкан.
– Би го направил сето тоа одново бидејќи плугот одеше право кон мојот внук – откри тој.
Интервјуто на ABC содржи снимка од повикот на 911 по несреќата во која се слуша како внукот на актерот ја известува полицијата дека има многу крв. Внукот на Ренер потресен рекол дека мисли дека неговиот вујко е мртов.
