Џенифер Лопез му помогна на својот сопруг Бен Афлек да ги поправи односите со неговата поранешна сопруга Џенифер Гарнер и да се справи со „драмата од минатото“, известува Дејли меил, повикувајќи се на свои извори.
Претходно, во медиумите се појавија фотографии на кои се гледа среќниот Бен Афлек во друштво на неговата поранешна сопруга (а со Лопез често изгледа толку мрачно што дури стана мајтап на Интернет). По ова, новинарите објавија дека овие фотографии ја направиле Лопез „апсолутно бесна“.
Сепак, според извор близок до Лопез, тоа не е така: изворот тврди дека токму таа му помогнала на Афлек да ги подобри односите со Гарнер и е многу задоволна од начинот на кој тие сега комуницираат.
„Џеј Ло им помогна да ја поправат врската“, тврди инсајдерот за Дејли меил. „Бен е добро. Драмата од минатото и емоциите од разводот одамна ги нема”.
Инсајдерот истакна дека Лопез и Гарнер се „пријателски располоени“ една со друга и дека сите нивни деца „се сакаат“.
„Ова е навистина многу среќен пример за заедничко родителство. Сè е навистина добро сега и така треба да биде во блиска и далечна иднина“.
Исто така, според изворот, Бен Афлек и Џенифер Лопез се уште се вљубени еден во друг. „Тие се навистина среќни еден со друг и нема драма во нивната врска во моментов“ – тврди изворот.
Потсетуваме дека Бен Афлек и Џенифер Гарнер се венчаа во 2005 година, а се разведоа во 2018 година. Актерите заедно имаат три деца, кои заедно ги одгледуваат. По разводот, во едно интервју, Афлек изјави дека почнал да пие затоа што бил несреќен во бракот, но подоцна, откако на него паднаа низа критики, тој постојано појаснуваваше дека не ја обвинува поранешната сопруга за сопствениот алкохолизам од кој конечно се ослободи.
