Фокс беше хоспитализиран во април поради она што неговата ќерка Корин Фокс во тоа време го опиша како „медицински компликации“.
Американскиот актер, пејач и комичар Џејми Фокс (55) на Инстаграм објави дека се опоравува од тешка медицинска компликација.
„Поминав низ пекол и назад, а мојот пат до закрепнување има и некои дупки, но се враќам. Можам да работам“, вели оскаровецот кој видно е послаб, а низ солзи објасни низ што поминал во триминутно видео.
Фокс беше хоспитализиран во април поради „медицински компликации“.
„Едноставно не сакав да ме видите таков. Не сакав да видите како цевки излегуваат од мене и како се обидувам да сфатам дали ќе преживеам”, рече Фокс, заблагодарувајќи им се на својата ќерка, сестра, Бог и медицинскиот персонал што му го спасиле животот.
View this post on Instagram
Како што рече, поминал низ она што „мислел дека никогаш нема да го помине“.
„Постојано бев во солзи… затоа што беше тешко, човече, бев болен… но сега имам нозе, па ќе ме видите“, рече Фокс.
Фокс, роден како Ерик Марлон Бишоп во 1967 година во Терел, Тексас, беше стенд-ап комичар пред да стане добро позната телевизиска личност.
Тој освои Оскар за најдобар актер за неговата улога како Реј Чарлс во биографскиот филм „Реј“ од 2004 година и Греми награда во 2010 година за песната „Blame It“.
