Американскиот актер, пејач и комичар, Ерик Марлон Бишоп, попознат како Џејми Фокс, е обвинет за сексуален напад и нанесување телесни повреди.
Во тужбата се наведува дека оскаровецот непристојно допирал жена во популарен ресторан на Менхетен во август 2015 година, пренесува Ројтерс.
Во тужбата поднесена до Врховниот суд во Њујорк, жената чиј идентитет не е наведен, тврди дека Фокс употребил сила за на навредлив начин да ја допира жената, откако таа и нејзин пријател му пришле и се фотографирале со него во њујоршкиот ресторан.
Во тужбата е наведено дека жената претрпела „физички и емоционални трауми, анксиознот, вознемиреност, срам и економска штета“ и затоа бара неодредена сума пари.
Според наводите од тужбата, Фокс бил во алкохолизирана состојба за време на инциденот. Претставниците на глумецот се уште не го коментираа инцидентот.
