Драгомир Деспиќ, познат како Десингерица, синоќа се појавил во јавноста во придружба на сопругата Невена и ќерката Дуња, каде што пред бројни медиуми го промовирал својот моден бренд.
Зборувајќи за колекцијата, тој истакнал дека нуди и машка и женска облека и дека особено внимавал на квалитетот и трајноста.
„Сакав сè да биде квалитетно и долготрајно. Инспирацијата ја најдов во начинот на живот. Направив нешто свое затоа што не можев да најдам облека што ми одговара. Женската колекција беше поголем фокус – тука Невена вложи повеќе труд од мене. Жените ми се инспирација, тие имаат повеќе чувство за мода од мажите“, рекол Десингерица, додавајќи со доза хумор дека приказните за тоа дека Невена го избркала од стан се само шега.
Тој се осврнал и на најавата на градоначалникот на Бања Лука, Драшко Станивуковиќ, дека ќе ги забрани неговите настапи во градот.
„Тоа е чиста лага. Не е убаво да лажеш, брате. Нема никаков документ, ниту забрана – веќе три години се занимавам со ова и сум настапувал безброј пати во близина на Бања Лука. Луѓето не се глупави. Драшко од сè прави Северна Кореја – постојано зборува ‘нашите деца’. Што е тој, Драшко Џонг-ун? Сериозен политичар не се занимава со шишање луѓе и рендање сирење. Има многу поважни проблеми“, рече раперот.
Тој додаде дека со вакви изјави се одвлекува вниманието од суштинските теми и дека градоначалникот ја злоупотребува неговата популарност за лична промоција.
„Јас не настапувам во градинки, туку во клубови за возрасни. Кого тој мисли дека прави будала? Јас дури и бесплатно шишам и ги частам луѓето. Кога тој поделил нешто бесплатно? Тој е инфлуенсер кој собира прегледи преку моето име. Не би ме изненадило и песна да сними. За каков морал зборува? Тој последен може да зборува за морал“, истакна Десингерица.
На крајот нагласи дека секогаш ги почитува законите во земјите каде што настапува и дека евентуалниот концерт во Бања Лука ќе зависи од неговиот менаџер.
„Јас мирно спијам. Дали тој мирно спие? Тој само изрази желба, не најави ништо конкретно. Сè има своја процедура. Не лажете ги луѓето. Можеби е мој фан, а јас не сакав да се сликам со него, па затоа сега ова“, заклучи тој.
