Пејачот Дарко Лазиќ се огласи откако стана познато дека на 28 декември ќе настапи на „лажна свадба“ што ќе се одржи во Нови Сад. На настанот ќе има лажни младенци, лажни кумови, а присуство ќе може да земе секој што сака да биде дел од оваа необична прослава.
Според Дарко, овој настан може да биде повесел од вистинска свадба.
„За мене ова е настап како и секој друг. Изгледа дека луѓето решиле прво да видат како изгледа ‘лажна свадба’, па потоа да планираат вистинска (се смее). Верувам дека тука ќе биде подобра атмосфера отколку на свадба со вистински младенци, затоа што гостите ќе бидат поопуштени и нема да се стресуваат околу тоа како ќе помине сè“, изјави тој, додавајќи дека најважно е да постои причина за славење.
„Во денешно време луѓето водат премногу ‘лажни животи’, па зошто да не направиме и ‘лажна свадба’ и сите заедно да се израдуваме? Битно е да има повод за веселба“, рече пејачот.
Новитетот предизвика шок во јавноста, додека Дарко очигледно со нетрпение го очекува настапот.
Инаку, овај бизарен тренд на организирање лажни свадби станува сè попопуларен во Србија. Влезот се наплаќа 70 евра, а настанот е „all inclusive“.
