Една од најголемите ѕвезди на Балканот, Лепа Брена ќе одржи новогодишен концерт во Бања Лука, па по тој повод одржа прес конференција, заедно со градоначалникот Драшко Станивуковиќ.
По тој повод Брена се осврна и на успехот на Александра Пријовиќ која оваа година ја одбележа со концерти.
„Успехот на Александра е нешто што го очекувавме и на нешто што нејзиниот тим предводен од Филип, нејзиниот сопруг и продуцент, навистина работеа седум или осум години. Тоа што го доживува како млада пејачка е навистина голема среќа“, рече Брена.
Брена потоа објасни како Прија ги избира гостите на нејзините концерти.
„Таа сакаше да покаже, со сите гости кои ги покани на концертите, дека треба да се шири љубов, добра и позитивна енергија и мислам дека таа порака беше многу добро испратена, ние за друга порака не знаеме. Ние сме пејачи, ние ги сакаме луѓето без разлика кои се, што се, од каде се, затоа што овие луѓе се наша публика и тоа е суштината на секој пејач. Ние шириме радост, љубов и заедница. Тоа е многу добра порака, тоа беше испратено од Загреб, од Сараево и од Белград, а ние сега таа порака ја испраќаме и од овде“, рече Брена.
Потсетуваме, вчера обожавателите на Александра Пријовиќ од Хрватска ја нападнаа Пријовиќ затоа што, според нив, четвртата концертна вечер одржала неспоредливо подобар и подолг концерт од претходните вечери, но и поради изборот на гости на четвртата концертна вечер кои биле убедливо најдобри. Како што навеле, не е фер кон луѓето кои први ги купиле билетите, а очекувале првиот концерт да биде најдобар и да трае најдолго.
