Водителот и шоумен Бојан Јовановски, во јавноста попознат како Боки 13, повторно оди на операција, пишува „пулсонлајн“.
Мајката на Боки, Јасминка, ја потврдила оваа вест.
– Да, тој е примен на клиника и се очекува да започне операцијата. Операцијата е за отстранување на липом, последица на претходни операции и се изведува на Државната клиника – истакнува Јовановска.
Ова е негова петта операција.
– Секоја операција си носи свој ризик со оглед на тоа што Бојан досега е опериран пет пати. За жал нема подобрување на неговата здравствена состојба, по оваа операција ќе мора соодветно да се лекува. Закрепнувањето ќе продолжи со оглед на тоа што лекарските препораки тоа го налагаат – додава Јовановска за „Скопје 1“.
Потсетуваме, Боки 13 беше уапсен во акцијата „Рекет“, а потоа осуден бидејќи наводно уценувал одредени моќни и влијателни луѓе во Македонија и од нив барал огромни суми пари, пишува српски „пулсонлајн“. Во 2020 година е осуден на девет години затвор во Скопје.
Со оглед на тоа што неодамна беше подложен на ризична операција, каде што му беа отстранети деведесет проценти од желудникот, здравствената состојба на Боки се влоши. Тој веднаш по излегувањето од затвор заврши во болница за што на големо се зборуваше не само во Македонија туку и во целиот регион.
