Еве што му кажал рускиот претседател.
Петро Олексович Порошенко, поранешен претседател на Украина, неодамна раскажа анегдота за актуелниот руски претседател, кој го наредил нападот врз неговата земја. Според објавениот разговор, Владимир Путин би можел за 2 дена да освои 6 престолнини. Или барем така му открил поранешниот таен агент на КГБ на поранешниот претседател на Украина.
Порошенко денес се бори заедно со своите сонародници во обидот да ја ослободи Украина од рускиот окупатор. Тој беше претходник на актуелниот претседател Зеленски, кој беше на функцијата од 2014 до 2019 година.
Денес тој раководи со баталјон кој се обидува да се спротивстави на руската армија. И токму во овие часови Süddeutsche Zeitung, еден од најважните германски весници, открива разговор што Порошенко и Путин го имале во минатото.
Како што пренесува германскиот весник, Владимир Путин, веднаш по изборот на Порошенко во 2014 година за претседател на Украина, по падот на Виктор Јанукович, наводно рекол:
„Ако сакав, можев за два дена да однесам руски војници не само во Киев, туку и во Рига, Вилнус, Талин, Варшава и Букурешт“.
Силни зборови, кои говорат за лидер кој е подготвен на сè за да ја потврди својата сила.
Понатаму, Путин го предупредил Порошенко, дека за 48 часа лесно може да ги нападне и да ги освои главните градови на Украина, Естонија, Литванија, Летонија, Полска и Романија.
И наводно, му се доверил: „Не се потпирајте премногу на Европската Унија“.
Во реалноста, предвидувањата на Путин се покажаа како неосновани, со оглед на тоа што војната во Украина трае повеќе од еден месец. Меѓутоа, во тоа време Порошенко ги предупредил сите во Американскиот Конгрес: „Ако не се запрат сега, ќе ги поминат европските граници и ќе стигнат во целиот свет“, пренесува „бигодино“.
