Убавата српска водителка Ена Попов со години важи за една од најстилизираните дами на јавната сцена, а покрај успешната кариера, вниманието често го привлекува и со својот приватен живот.
Таа е во среќен брак со бизнисменот Ненад Чанак, а заедно со ќерките Рија и Мила моментално ужива во вистинска семејна идила, далеку од градската гужва.
Ена со семејството ги спакува куферите и замина на зимување, од каде што со своите следбеници сподели дел од празничната атмосфера и моментите исполнети со топлина и љубов.
Сепак, водителката откри дека за време на одморот ги „фатила“ и блага настинка, но дека имаат свој начин како да се справат со неа.
„Наместо прашок за настинка – варена ракија“, напиша Ена под фотографијата на која позира со сопругот, што предизвика бројни реакции и насмевки кај нејзините следбеници.
Инаку, Ена и нејзиниот сопруг живеат во куќа што важи за една од најлуксузните во Нови Сад. Во една прилика, водителката отворено зборуваше за семејните односи и воспитувањето на ќерките.
„За совети во животот се консултирам и со сопругот и со мајка ми. Сопругот знае да ме приземји, а мајка ми е секогаш тука за приватните, меѓучовечки работи. Знае и да ме изнервира, мислам дека не е во право, а на крај секогаш излегува дека е“, искрено раскажа Ена.
Таа додаде дека во домот ја има улогата на „строг родител“: „Јас сум таа што е и нежна и строга. Постојано ги гушкам, ги бакнувам и ги сакам, но знам и да ја покажам својата потврда страна – затоа што сакаме да ги воспитаме ќерките да пораснат во добри и квалитетни луѓе“.
Очигледно е дека за Ена Попов семејството е на прво место – без разлика дали станува збор за луксузен дом, зимување или обични секојдневни моменти исполнети со љубов.
