Фолк пејачката и една од омилените членови на жирито на „Ѕвездите на Гранд“, Ана Бекута, на 64 години стана пензионерка.
Таа со децении успешно градеше кариера која денес е импресивна, а сега е време да се одмори, но тоа ќе биде, како што вели и самата, „само на хартија“.
Како што пишува порталот на Гранд, пејачката првата пензија ја добила во март годинава.
– Ќе пеам додека сум жива, не размислувам за пензија – рече Ана пред само пет години, а минатата година потврди дека всушност Саша Поповиќ и таа никогаш нема да бидат вистински пензионери.
– Така ми рече астрологот, нема шанси да се повлечам, вели „Ти и пензија, нема шанси. Ти ќе бидеш како Поповиќ кој постојано се извлекува дека е во пензија“, истакна Ана и заклучи дека ќе пее додека е жива.
