Пејачката Ана Бекутa го родила синот Игор кога имала само 17 години, а животната ситуација ја натерала да донесе една од најтешките одлуки – да го смести во дом за незгрижени деца.
Таа повеќепати отворено зборуваше за медиумите за причините што ја довеле до тој чекор. Игор е роден во вонбрачна врска, а Ана, како млада мајка, тогаш се соочила со осудата на околината и социјалниот притисок. Била одвоена од нејзиното бебе и во исто време се борела со чувства на срам и болка. Дури и нејзините родители станале мета на озборувања во селото, иако, како што вели, не ги сметала за одговорни за ништо.
„Тоа најмногу ме болеше“, призна пејачката во едно од интервјуата, нагласувајќи колку тешко било да се справи со предрасудите во тоа време.
– По ужасни внатрешни болки, го сместивме Игор во дом. Тогаш ми беше откинат голем дел од срцето и таа рана никогаш нема да заздрави. Ме сметаа за глупава затоа што не го убив „тоа“ на време. Или не го скрив и не го оставив во некоја далечна болница – објасни пејачката.
За време на викендите таа одела да го посети својот син и го гушкала во креветчето додека тој спиел.
„Агонијата траеше неколку месеци, а потоа гласот на срцето и разумот ја вратија таа мала птица во скутот.“, вели Ана.
Како што објасни Ана, раѓањето на Игор ја забрзало нејзината одлука да се занимава со музика. Денес, двајцата имаат одличен однос, а Игор редовно ја поддржува мајка си на концерти и настапи.
