Американската армија ја повлече својата нова рекламна кампања со актерот Џонатан Мејџорс, откако во саботата беше објавена веста дека актерот е уапсен за наводен напад – давње и малтретирање на жена во љујоршка хотелска соба во петокот.
Актерот беше наратор во првиот бран на реклами на Армијата насловени „Биди се што можеш да бидеш“, кои беа дел од мултимилионска кампања.
„Американската армија е свесна за апсењето на Џонатан Мејџорс и ние сме длабоко загрижени од наводите околу неговото апсење“, рече Лаура ДеФрансиско, портпаролка на Канцеларијата за маркетинг на Армијата.
„Иако господин Мејџорс не е виновен додека не се докаже тоа, ги повлековме нашите реклами се додека случајот не биде целосно затворен“, додава ДеФрансиско.
Финансиското влијание од повлекувањето на рекламата се уште не е познато, но според Sportico, еден комерцијален спот од 30 секунди за време на овогодинешната последна игра „March Madness“ чинеше околу 2,2 милиони долари.
View this post on Instagram
Армиските функционери, исто така, не можеа да одговорат на прашањето што ќе биде со следните реклами, а како што изјавија за „Арми Тајмс“, следниот сет на реклами во рамките на кампањата се очекува да пристигне во август, но таа одлука била донесена пред апсењето на Мејџорс.
На 25 март, актерот Џонатан Мејџорс беше уапсен и се соочува со обвиненија за напад, давење и тешко вознемирување на жена. Полицијата го опиша инцидентот како „домашен спор“.
Мајџорс продолжува да тврди дека е невин во врска со инцидентот, а неговата адвокатка Прија Чаудри вчера даде изјава во врска со апсењето.
„Џонатан Мејџорс е целосно невин и веројатно е жртва на расправија со жена што ја познава“, рече Чаудри. „Ние брзо собираме и презентираме докази до окружниот обвинител со очекување дека сите обвиненија ќе бидат веднаш отфрлени“.
Неименуваната жена, која ТМЗ ја опишува како девојка на Мејџорс, била пренесена во болница со „лесни повреди на главата и вратот“. Адвокатката продолжува да тврди дека повредите што ги добила неименуваната жена биле поради фактот што таа имала „емоционална криза“.
Според изјавата на Чаудри, постојат и докази кои вклучуваат видео снимки и сведочења на сведоци за да се докаже невиноста на глумецот. Судските постапки на глумецот нема да се одржат до мај, според ТМЗ.
