Популарната пејачка Александра Пријовиќ денес го одбележува својот 30-ти роденден во кругот на најблиските. Само неколку месеци откако се породи, музичката ѕвезда повторно е во центарот на вниманието – овој пат поради емотивното изненадување што ѝ го приредија нејзините обожаватели.
Девојките од фан тимот на Пријовиќ изработија видео со спомени од нејзиното детство, па сè до денешниот успех на големата сцена. Гестот ја трогна пејачката, која веднаш се огласи на социјалните мрежи.
„Девојки, ви благодарам за овој прекрасен видеозапис. Ви благодарам што се потрудивте и за подарокот. Ве бакнувам многу“, напиша Пријовиќ, додавајќи емотивен симбол со солзи.
Роденденската прослава ја започна со семејството и најмилите, а меѓу првите што ѝ честитаа беше нејзиниот сопруг Филип, кој со внимание и љубов ѝ приреди посебен почеток на денот.
