Откако минатата година беше обележана со корејската серија „Squid Game“/„Игра со лигни“, нејзиниот автор сега најави нов проект.
Хванг Донг-Хјук прифати нов, уште побрутален проект, а се работи за филмот „Killing Old People Club“/„Клуб за убивање стари луѓе“, според романот на легендарниот италијански писател Умберто Еко.
Ако мислевте дека е ужасно да гледате како џиновска кукла ладнокрвно убива луѓе, вистинската авантура допрва следи, порачува тој.
„Ќе има повеќе насилство отколку во „Игра со лигни“, изјави Донг-Хјук, кој веќе почнал да рабти на новиот проект и досега има напишано 25 страници од сценариото.
Серијата „Игра со лигни“ ги освои гледачите низ светот, а Нетфликс ја прогласи за најдобра и најпопуларна оригинална серија на сите времиња. Сепак, целокупната повратна информација за неа е дека е полна со „прекумерно насилство“.
Покрај новиот проект, Хванг ја најави и втората сезона од споменатата серија, чиј датум на прикажување сѐ уште не е познат, но се верува дека ќе излезе во 2024 година.
