„Јас целиот живот ширам само љубов, забраните никогаш не ме интересирале. Тоа што некои политичари се обидуваат да не поделат, до мене не допира“, вака ја коментира Тони Цетински се почестата забрана за настапи на српски пејачи во Хрватска.
„Не гледам никаква разлика помеѓу луѓето на Истра, Ровињ и Књежевац на пример. Би сакал да сфатат сите луѓе дека сме исти, а кога ќе го сфатат тоа ќе ни биде поубаво. Јас доаѓам од Истра. Не забранувам никој, не сакам забрани и не сум за нив. Мене ми е најтешко, бидејќи јас ширам љубов цело време преку песните. Не сакам да учествувам воопшто во тоа што медиумите и политичарите сакаат да го наметнат“ – изјавил Цетински кој вчера направил спектакуларен концерт во Књажевац во Србија.
