Запознавањето меѓу пејачот Дејан Ќирковиќ – Ќира и Жика Јакшиќ датира уште од школските денови, а во еден момент решиле да се поврзат и деловно, па заедно биле дел од музичката група „Ритам срца“.
Ќира, кој е и кум на покојниот Саша Поповиќ, откри дека еднаш дошло до караница меѓу него и Жика.
„Жика ми е пријател од раѓање, но откако е во Белград има многу работа и обврски, па не успеваме толку да се гледаме,“ изјавил пејачот еднаш.
Ќира откри дека за време на еден настап се скарале со Жика, па тој ја оставил гитарата и слегол од бината.
„Нешто јас се навредив на него и се налутив. Инаку, ја имам таа лоша особина – кога ќе се налутам, повеќе не се смирувам. Но неговата добра особина е што знае да го премолчи тоа. Се сеќавам, ја оставив гитарата на сред бината, седнав во воз и се вратив за Штутгарт и реков – готово, крај со Ритам срца,“ раскажа Ќира за „Гранд“.
Потоа додаде:
„Жика почека да преспие, ме бараше, а јас не сакав да се јавам. А тој – повторно повика. Ми рече: ‘Извини, погрешив’, и ме повика да седнеме, да разговараме и како луѓе да расчистиме. И така продолживме понатаму, но ако не беше тој – кој знае, јас сум инаетчија.“
