Познатиот пејач Владо Георгиев бил приведен од полицијата во Плевља, но верзиите за причината се разликуваат. Според црногорскиот медиум „Вијести“, полицијата го привела пејачот на отрезнување во Центарот за безбедност во Плевља, поради возење под дејство на алкохол со концентрација над дозволената граница.
Полицијата го запрела неговото возило вечерва на регионалниот пат Плевља–Ранче, но Георгиев тврди дека не бил пијан, туку дека бил приведен поради пребрзо возење.
„Вистина е дека бев приведен, но причината не е возење во алкохолизирана состојба, туку пречекорување на брзината“, изјавил Георгиев за српскиот „Курир“.
По инцидентот, пејачот се огласи и на социјалната мрежа Икс, каде саркастично прокоментира: „Отсега, каде што е ограничување 40 километри на час, ќе возам 38 километри на час…“.
Od sada gdje je 40 vozim 38kmh
— Vlado Georgiev – Barba (@VladoGeorgiev) March 12, 2025
Потоа објави фотографија од местото каде што се наоѓал, додавајќи: „Само да ви се јавам од Жабљак. Баш некој ќе ме пуштеше од Пљевља ако не беше само пречекорување на брзината. А овие лажговци… поздрав!“.
Samo da vam se javim sa Žabljaka.
Baš bi me neko pustio iz Pljevalja da nije bilo samo prekoračenje brzine 🎩 A ovi lažovi – poyy pic.twitter.com/epUU5dfWq2— Vlado Georgiev – Barba (@VladoGeorgiev) March 12, 2025
