Хрватската пејачка и старлета Нивес Зељковиќ, позната како Нивес Целзиус, објави нов видеозапис за песната „Моја пила“, како и атрактивни фотографии со кои таа ја најави премиерата на социјалните мрежи.
Нивес го објави синглот „Моја пила“ уште во мај годинава и со него настапи на овогодинешниот CMC фестивал во Водице. Но, жешкото видео кое предизвика бурни реакции го претстави дури сега затоа што летото имаше бројни обврски, кои ја спречија порано да го сними спотот.
View this post on Instagram
Задарската кинематограферка и фотографка Лаки е одговорна за режијата , а Нивес раскажа како ја добила инспирацијата за сценариото. Како што вели, инспирацијата ја нашла гледајќи спотови на светски ѕвезди.
„Од почетокот на мојата музичка кариера сакав да снимам вакво видео, каде што сè прска, капе, лизга. Отсекогаш сум мислела дека сцените со миење автомобили се особено сензуални и моќни, а и денес се сеќавам на Џесика Симпсон, Парис Хилтон, Кармен Електра и Џени Мекарти во тие мокри изданија“, вели Нивес.
