Хрватската пејачка Северина приреди момент кој за миг го обиколи интернетот. За време на нејзиниот настап во Загреб, пејачката изгуби рамнотежа и падна на бината пред бројната публика.
На снимката која стана вирална за само неколку часа, се гледа како Северина со полн елан скока и танцува, но во еден момент се сопнува и паѓа. Во позадина се слуша глас кој извикнува „Опааа!“, проследен со смеа од дел од публиката.
Иако падот изгледаше непријатно, Северина не дозволи моментот да ја обесхрабри. Таа веднаш се сврте, легна на грб, ги крена рацете во воздух и продолжи да пее како ништо да не се случило, освојувајќи аплауз со својата присебност и професионализам.
„Мојата публика е мојата екипа и моето гориво“, напиша таа претходно на Инстаграм, споделувајќи фотографии од подготовките за концертот.
