Легендарниот рокер Бора Ѓорѓевиќ ќе биде погребан по негова желба во родниот Чачак каде денеска беше отворена и Книгата на жалоста.
Некрологот на семејството се појави во дневните весници, а со него се простија и колегите на Бора Ѓорѓевиќ.
Погребот ќе се изврши во сабота на 7.9.2024 година во 14.30 часот на градските гробишта во Чачак.
„Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени низ кои ќе те паметиме. Ожалостени: сопругата Дубравка, синот Борис, ќерката Тамара, внукот Петар, зетот Бојан, снаата Милица и бабата Нада“.
Во Чачак е прогласен Ден на жалост. Знамињата се спуштени на половина копје, а од рестораните нема музика.
