Тони Цетински објави нова песна со наслов „Пиши пропало“, чии автор на музиката и текстот е Анте Пецотиќ.
„Морам да признаам дека со оваа песна имав тежок предизвик, бидејќи Анте напиша нешто искрено, интимно и силно, а таквите нешта не се лесни за да се испеат. Дополнително, и самиот поминав низ истото што Анте го преточил во оваа песна. Ми претставува голема чест и му благодарам за довербата, затоа што ваква емоција не може секој да ја напише и да ја сподели со луѓето“, изјави Цетински.
Посвета за децата на разведени родители
Песната ја посвети токму на децата чии родители се разведени.
„Многу луѓе таму некаде можат да се пронајдат во она што го претставува Пиши пропало, па затоа решивме оваа песна да им ја посветиме токму ним, како и на сите деца од разведени родители. Да, за жал, денес има премногу разводи, и тоа го сметам за пораз за двете страни – затоа што најчесто страдаат децата. Би сакале да не е така, и љубовта кон децата секогаш да биде на прво место“, додаде тој.
