Легендарниот пејач Здравко Чолиќ во петокот го одржа првиот од петте распродадени концерти во сараевската сала „Зетра“, а меѓу познатите лица во публиката беа Милица Павловиќ и Сара Јовановиќ Сара Јо.
Нивното присуство привлече особено внимание, со оглед на тоа што веќе подолг период не се во најдобри односи.
Павловиќ на концертот пристигнала во друштво на својот возач, додека Сара Јо уживала со своето момче, словенечкиот танчер и кореограф Жига Сотлар, како и со блиски пријатели.
Според информации од лице место, директен контакт меѓу нив немало, но ситуацијата била забележливо непријатна. Сара Јо, наводно, се почувствувала непријатно кога ја забележала Павловиќ во салата, особено затоа што двете седеле во првиот ред, на само неколку метри една од друга.
Додека давала изјава за медиумите, вниманието на присутните се префрлило кон влегувањето на Павловиќ, што, според сведоци, веднаш се одразило на расположението на Сара. Таа, наводно, избегнувала да воспостави контакт, се свртела кон своето друштво и во текот на вечерта комуницирала претежно со нив.
Од друга страна, Павловиќ била расположена и целосно посветена на концертот. Во еден момент, Чолиќ ѝ пришол и ѝ ја бакнал раката, додека покрај Сара само поминал, што дополнително ја засилило непријатната атмосфера.
Според присутни, Сара пред крајот на концертот ја напуштила салата за да избегне евентуална средба, додека Павловиќ немала проблем да се поздрави доколку дојде до контакт.
За односот меѓу нив се огласи и Милица Павловиќ, која тврди дека од нејзина страна не постои конфликт.
„Таа мене подлабоко не ме познава, да се изразам така. Но, ние и тоа како се познаваме. Често се сеќавам дека пред неколку години на аеродромот ‘Никола Тесла’ испивме едно убаво кафе. Со неа беше и нејзиниот татко и убаво разговаравме и за музиката и за сè што тогаш беше актуелно. Од моја страна нема никаков конфликт, мислам дека тоа е само медиумски интересно и толку“, изјави Павловиќ.
Нивните односи и претходно биле тема на јавноста. Според медиумски написи, во минатото имало тензии поврзани со настап на музичката манифестација МАК, каде што Павловиќ освои награда за албум на годината.
Тогаш, според информации, подготовките за нејзиниот настап не оделе според планот, поради што таа самостојно ангажирала тим од Загреб. Дел од естрадата шпекулираше дека зад тоа стои Жига Сотлар, кој бил задолжен за кореографијата, но овие наводи никогаш не беа официјално потврдени.
