Пејачката Теа Таировиќ му кажа судбоносно „да“ на својот партнер Иван Вардај, но по сè изгледа, ќе мора да почекаат за медениот месец.
Имено, гламурозната венчавка се одржала во родниот град на пејачката – Нови Сад, во „Барон Кастел“, кој е во сопственост на познатиот моден дизајнер Младен Миливојевиќ Барон, кој бил задолжен за целосната декорација.
Бидејќи Теа има закажани настапи, првиот веќе во сабота, а потоа и секој следен викенд до концертот во Арена Загреб, Теа и Иван немаат можност веднаш по свадбата да отпатуваат на меден месец.
Сепак, со оглед на тоа што пејачката неодамна за првпат го посетила Дубаи, а и често патува, и поради работа и приватно, одложувањето на медениот месец не ја загрижува многу. Ќе заминат на патување и ќе уживаат штом им се отвори вистинска можност, односно кога обврските ќе им дозволат.
