Познатата пејачка Јелена Карлеуша повторно ја насмеа јавноста со една необична анегдота од времето кога била сосетка со Вики Миљковиќ.
Настанот го сподели за време на коментарите во емисијата „Ѕвездите на Пинк“, а во приказната се вмешала и Светлана Цеца Ражнатовиќ.
Карлеуша прво се пошегува на сметка на Миљковиќ, велејќи дека сите нејзини кандидати мора да готват и лупат пиперки за ајвар. Миљковиќ ѝ возврати со спомен за нивен заеднички излет на Космај, каде подготвувале гулаш.
Потоа Карлеуша откри сцена која, како што рече, би била „антологиска“ доколку некој ја снимал.
– Еден ден видов како од дворот на куќата на Вики излегува дим. Ѕвонам на врата, но таа не сакаше да отвори бидејќи беше со својата кума со која јас не зборувам. Мислев дека куќата гори! Го земав цревото, ја префрлив водата преку оградата и ја полеав нејзината куќа, но и казанот во кој тие вареа. Така ги полијав и Вики и Цеца, кои беа во дворот. Никогаш не ми се заблагодари за добрата намера – изјави Карлеуша.
Настанот предизвика смеа кај останатите членови на жирито, а Десингерица ја прокоментира сцената со зборовите: „Замисли ги Вики и Цеца како прават скара, а Јелена со црево над нив“.
Карлеуша пак додаде дека би дала сè да чуе што тогаш рекле Вики и Цеца зад камерите, сметајќи дека тоа би било вистинска телевизиска антологија.
