Портпаролот на њујоршката полиција изјави дека 54 -годишниот Вилијамс е пронајден мртов во стан во Бруклин, откако итните служби добиле повик.
Мајкл К. Вилијамс, кој го глумеше Омар Литл во телевизиската серија „The Wire“, беше пронајден мртов во својот стан во Њујорк во понеделникот, соопшти полицијата.
Њујоршката полиција објави дека истрагата за причините за неговата смрт е во тек.
Медиумите пишуваат за можно предозирање, но тоа не е официјално потврдено.
Вилијамс, кој беше номиниран за три награди Еми, честопати отворено зборуваше за неговата долгогодишна борба со дрогата.
