На почетокот на годината почнаа да кружат гласини дека срцето на рускиот олигарх го освоила Александра Корендјук. Постојат цврсти индиции дека тоа е вистина, изјави руската новинарка Бозена Ринска.
Рускиот олигарх Роман Абрамович (55) наводно е во тајна врска со ТВ-ѕвездата и претприемач што учествуваше во руското шоу „You’re All P***ing me Off“, Александра Корендјук (25) и тоа за време на руската инвазија врз Украина.
Нивната романса ја откри руската новинарка Бозена Ринска пред четири месеци.
-Новата девојка на Роман Абрамович е многу интересна. На почетокот на годината почнаа да се шират гласини дека срцето на олигархот го освоила Александра Корендјук. За неа не знаеме многу, ама знаеме дека се занимава со музика и дека имаше неколку обиди како актерка, глумеше хостеса во две епизоди од една московска серија – изјави новинарката.
Наводно новата љубовница на Абрамович имала „затворен начин на живот“, тврдат руските медиуми, а регионалните експерти утврдиле дека има украинско потекло, пренесува Дејли мејл.
-Иронично е што Абрамович се поврзал со Украинка токму кога е санкциониран поради војната и неговата врска со Путин. Лесно е да се види што видел во неа, очигледно е дека ова е една од оние врски што траат до една година – изјавил изворот за еден руски медиум.
Chelsea owner Roman Abramovich is claimed to be secretly seeing stunning Alexandra Korendyuk who said to have Ukrainian family roots
Abramovich’s luxury £500 million superyacht Solaris has been tracked to Montenegro pic.twitter.com/qWnbldmsjy
— Lilian Chan (@bestgug) March 12, 2022
Абрамович зад себе веќе има три пропаднати брака, а британските медиуми го поврзуваа и со руската балерина Дијана Вишњева (44). Нејзините настапи го освоиле рускиот могул кој го користел дури и неговиот приватен Боинг 767-33АЕР за да ја гледа во Перм. Сепак, тие тврдења ги демантираше неговиот портпарол.
Да потсетиме, Премиер лигата го отстрани Абрамович од позицијата сопственик на фудбалскиот тим Челзи откако англиската влада ги блокираше сите средства на руските олигарси поврзани со претседателот Владимир Путин. Рускиот милијардер има десетици недвижности во Велика Британија, Русија, САД, Франција и Израел.
