Иако ѕвездите треба да бидат пример дека забавите за време на оваа пандемија, особено по драстично зголемените бројки на заболени треба да ги оставиме за некои подобри времиња и тие понекогаш грешат.
Во западен Лондон во еден ресторан се одржала забава на која присуствувале 30 лица, а меѓу нив била и британската поп – sвезда Рита Ора, објави весникот „Сан“.
По тој настан Рита и се извини на јавноста во понеделникот откако призна дека ја организирала забавата по повод прославата на нејзиниот 30-ти роденден, со што ги прекршила рестриктивните мерки за заштита од коронавирусот.
Ора рече дека „тоа бил мал собир со неколку пријатели“, но сепак во ресторанот ноќта во саботата присуствувале 30 лица.
Според правилата за самоизолација луѓето во Англија не смеат да се мешаат со други домаќинства во затворени простории и можат да се сретнат со едно лице надвор. Рестораните се затворени, освен за храна за носење, за да се спречи ширењето на коронавирусот.
„Одлуката беше донесена со погрешно мислење дека накратко излегуваме од самоизолација, и дека тоа ќе биде во ред“, напиша Ора на инстаграм-стори.
„Длабоко жалам што ги прекршив правилата. Ова беше сериозна и неоправдана грешка. Со оглед на ограничувањата, сфаќам колку овие активности беа неодговорни и преземам целосна одговорност “, стоеше во порака на Ора.
