Холивудскиот актер Ричард Гир на еден форум во Москва рекол дека неговата тајна на успехот не е егоизмот, ниту потребата за слава и пари, туку нешто многу поголемо и духовно возвишено.
„Ако вашата кариера е фокусирана на тоа да станете совршени, да станете икона – бидете сигурни дека нема да успеете. За да постигнете голем успех, не е важно да направите работи само за себе, туку и за Универзумот“.
„Љубезноста и добрината се главните двигатели на успехот. Во однос на добрината, парите и моќта се толку мали нешта. Добрината и љубовта се најмоќните сили на Универзумот“, вели Гир.
„Мислам дека сите ние треба прво да знаеме што навистина сме. Што е нашиот универзум и дека со целиот свет сме меѓусебно поврзани.“
Ричард Гир веќе со години е следбеник на будизмот, а негов ментор е Далај Лама, кого го запознал на патување во Непал.
Неговата фондацијата „Гир“ има цел да ја зачува тибетската култура и да помогне во градењето будистички храмови во јужна Индија.
