Обично доцна навечер ни се пријадува нешто слатко и калорично, како на пример: чоколадна торта. За да не јадете и овој пат со грижа за совест ви ја предлагаме оваа алтернатива во форма на брза „диетална“ чоколадна торта.
Состојки:
- 3/4 чаша брашно
- 1 чаша шеќер (по можност кафеав)
- 2 полни лажици какао во прав
- 1 лажичка сол
- 1 лажичка прашок за пециво
- 3/4 лажичка сода бикарбона
- 1 јајце
- 1/2 чаша млеко
- 2 лажички масло
- 1 лажичка екстракт од ванила
Подготовка:
Во еден сад измешајте ги сите суви состојки – брашно, шеќер, какао, сол, прашок за пециво и сода бикарбона. Во посебен сад измешајте ги останатите состојки, потоа додадете ги сите состојки и измешајте сè добро додека не добиете хомогена смеса.
Загрејте половина чаша вода и кога ќе зоврие додадете ја во смесата и сè добро измешајте. Загрејте ја рерната на 180 степени, истурете ја смесата во калап и печете 30-40 минути,
Кога тортата ќе се олади, исечете ја на 12 парчиња – пресметајте дека секоја има околу 200 калории.
