Познатиот српски музичар и актер Реља Поповиќ зад себе има тешка животна приказна – како 19-годишен матурант за малку ќе го изгубел животот, откако бил застрелан во стомакот во инцидент кој се случил токму на денот на неговата матурска прослава.
Инцидентот се случил на 22 мај 2008 година, кога Релја бил во кафеана со пријатели. До конфликтот дошло поради постар маж кој им дофрлал на неговите другарки. „Беше видно пијан и бараше од нив да играат на маса. Јас се вмешав и го одбранив нивното достоинство“, изјавил Реља во едно интервју. Келнерката ги замолила да го напуштат локалот, а токму пред излезот, мажот извадил пиштол и му го прислонил на главата.
„Не знам ни сам како успеав да го тргнам оружјето. Се сеќавам само на страшна болка во стомакот, потоа паднав и изгубив свест“, раскажува Поповиќ. Бил веднаш пренесен во Ургентниот центар, каде што по итна операција поминал десет дена во шок-соба под постојан надзор.
Метакот му оштетил витални органи, поради што лекарите морале да му го отстранат бубрегот и слезината. „Голема благодарност му должам на професорот Ѓукиќ кој ме оперираше и ме водеше цело време. Не знам како да му се оддолжам“, вели тој.
Напаѓачот бил уапсен и осуден на шест и пол години затвор за обид за убиство.
Токму поради последиците од пукањето, Релја не бил примен на Факултетот за драмски уметности, но подоцна сепак ја остварил својата актерска кариера преку приватно образование. Денес е успешен уметник, посветен сопруг на пејачката Николија Јовановиќ и горд татко на две ќерки.
