Ким Скот, поранешната сопруга на раперот Еминем, била хоспитализирана откако се обидела да си го одземе животот, пишува TMZ.
Ким се судрила со полицијата откако тие, заедно со болничарите, одговориле на анонимен повик дека некој се обидува да си го одземе животот во приватна куќа во Мичиген.
Обидот за самоубиство се случил на 30 јули, а медицинските лица и полицијата ја пронашле Ким како лежи во локва крв. Ким итно била пренесена во болница, каде била подложена и на психолошка проценка. Моментално се опоравува во својот дом, иако не е познато дали поранешната сопруга на раперот има дополнителна помош од стручно лице.
View this post on Instagram
Ким и претходно се обиде да си го одземе животот во 2015 година, а подоцна се покаја и изјави дека Еминем и дал голема поддршка по тој инцидент.
„Тој навистина ме поддржа. Ние сме навистина блиски пријатели. „Се обидуваме да го воспитаме детето заедно и да правиме се најдобро за неа“, рече тогаш Ким.
Еминем двапати беше во брак со Ким. Прво се разведоа во 2001 година, а потоа повторно ги обновија љубовните завети во 2006 година, но нивниот брак траеше само неколку месеци.
