13.8 C
Скопје
20:24 - 4 април, 2025

Пласидо Доминго во центар на скандал: Го поврзуваат со криминална група која тргувала со луѓе

Јавното обвинителство на Република Аргентина го поврза оперскиот пејач Пласидо Доминго со криминална група од градот Буенос Аирес која служела како параван за трговија со луѓе со цел сексуална експлоатација и други кривични дела, пишува NPR.

Минатата недела аргентинската полиција извршила 50 рации на локации поврзани со оваа криминална организација и уапсила 19 лица. Криминалната група дејствувала под името Буенос Аирес школа за јога.

Неколку јужноамерикански телевизии објавија аудио снимки на кои наводно се слушаат Доминго и членовите на криминалната организација како прават различни планови. Снимките се добиени со прислушување, а засега јавноста се уште не знае кога се снимени. Контекстот на снимките кои излегоа во јавноста не е познат.

На снимките се слуша како лицето, за кое обвинителите тврдат дека е Пласидо, разговара со жената Менди, која е задолжена за договарање на сексуалните средби. Пласидо дури напоменува дека во собата ќе дојде одвоено од девојката со која треба да има сексуален однос, бидејќи неговите агенти се сместени на истиот кат од хотелот. На друга снимка се слуша како Менди бара од водачот на криминалните активности, Хуан Перковиц, да го прослави нејзиниот успех, односно договарање планови со човек кој го нарекува Пласидо.

Пласидо Доминго неколкупати беше во центарот на вниманието поради сексуална злоупотреба. Од 2019 година, дури 20 девојки излегоа во јавноста со тужби против пејачот. Неколку жени го обвинија Доминго дека ја користел моќта на Операта за да ги принуди на сексуални односи, а некои го обвинуваа за вознемирување, недолично сексуално однесување и дека во некои случаи ја користел својата позиција за да им наштети на кариерата.
По обвинувањата, прочуениот пејач се раздели со Метрополитен опера и поднесе оставка како генерален директор на ЛА Опера во Калифорнија.

 

Слични објави

Крушата под круша паѓа: Ќерките на Јелена Карлеуша започнуваат свој бизнис!

Еспресо

Гоца Тржан потресно ја откри својата тајна: „Секој ден му се извинувам на нероденото дете што не го виде животот“

Еспресо

(Фото) „Ова како да е пластична кукла!“: Поради фотошопот на Дара Бубамара се вжештија социјалните мрежи

Еспресо

(Видео) Миле Китиќ го промени изгледот: Пејачот по 8 години ја избричи брадата, откри што го поттикнало на овој потег

Еспресо

(Видео) Сите ги изненади: Синот на Џулија Робертс за првпат виден на јавен настан

Еспресо

(Фото) Сања Кужет без грам шминка: Водителката на 41 година го покажа вистинското лице, нема ниту една брчка

Еспресо