Пејачката Емина Јаховиќ го привлече вниманието на Инстаграм објавувајќи фотографии на кои е во прегратка на мистериозен маж. На една од фотографиите таа ја потпре главата на неговото рамо додека се гушкаа, но не го откри неговиот идентитет.
Недолго по објавата се дозна дека се работи за Љубомир Доронтиќ, продуцент и водител познат по организирање на многу настани и соработка со бројни јавни личности. Емина и Љубомир станаа блиски пријатели преку ваквите средби.
Сепак, поради интимните фотографии, многумина почнаа да шпекулираат дека меѓу нив има нешто повеќе од пријателство . Љубомир на својот Инстаграм профил сподели и заеднички фотографии и на Емина ѝ испрати порака полна со убави зборови.
„Таа ми е девојка. Мојата супер девојка“, напиша Љубомир кој на Инстаграм се претставува како Чокаброз и на објавата додаде знак за бесконечност.
Да потсетиме споменатиот продуцент Љубомир Доронтиќ веќе го привлече вниманието на јавноста кога на роденденска прослава размени бакнеж со пејачката Наташа Беквалац. Тој момент не помина незабележан и брзо стана тема на социјалните мрежи.
