Веќе е потврдено дека Сара Џесика Паркер, Синтија Никсон и Кристин Дејвис ќе ги снимаат новите епизоди од култната серија „Сексот и градот“, но без Ким Катрал, а сега протекоа инфорамции и за нивните хонорари.
Римејкот на „HBO Max“ ќе го носи називот „And Just Like That…“ и ќе има 10 епизоди кои ќе траат по 30 минути, а актерките за овој нивни ангажман ќе добијат по еден милион долари, тврди „Variety“.
Серијата ќе го следи пријателството на Кери, Миранда и Шарлот како и нивниот љубовен живот во 50-те години, а според плановите снимањето треба да започне на крајот на пролетта.
Сара на Инстаграм го објави видеото како најава за серијата, а први се огласија и нејзините познати колешки. View this post on Instagram
„Даааа“, напиша Риз Витерспун. „Не можам ниту да дишам“, истакна Дру Баримор. „Врескам од длабочината на белите дробови“, коментираше Зои Кравиц.
Многу обожаватели не можеа да го сокријат воодушевувањето поради снимањето на продолжението на серијата, но многумина забележаа и дека Ким Катрал навистина ќе недостасува.
