Александра Пријовиќ важи за една од најзгодните пејачки на домашната јавна сцена и изгледа подобро од кога било.
Сепак, по породувањето се соочила со вишок килограми, а со редуцирана исхрана успеала да ја доведе линијата до совршенство и да ослабе 23 килограми. Како што некогаш истакнала, за три месеци се „стопила“ и се вратила на старата тежина.
– Кога се породив, имав 23 килограми повеќе од претходно. Додека бев бремена, не внимавав многу, и во последните три месеци од бременоста драстично се здебелив, затоа што постојано имав киселини и јадев теста, мислев дека ќе ми биде полесно. Кога почнав да размислувам дека наскоро треба да се вратам на работа, се освестив, бидејќи како млада мајка и жена сметав дека треба да се грижам за себе и да изгледам убаво. Верував дека лесно ќе го решам тоа. Си ги сакам слатките, сакам тесто… Сè сакам од слатки. Со исхрана, после три-четири месеци имав дури и помала тежина од порано – откри пејачката тогаш.
По слабеењето, Александра знаела навечер да си дозволи по едно пиво.
– Па, не почнав веднаш со пиво (смеење), но кога стигнав до посакуваната тежина, ѝ признав на Ана, нутриционистката, а таа ми рече дека не е страшно, така внесувам Б витамин. Не е баш здраво, ама… – рекла Александра тогаш.
