Интензивната потрага по Маријана Зајферт, попозната како победничката во регионалното реално шоу „Големиот брат“, чие исчезнување го пријавил нејзиниот сопруг, продолжува и денеска.
Според неофицијални информации на хрватските медиуми, вчера во текот на денот на неколку стотини метри од нејзиниот дом биле пронајдни нејзини работи, детално претресено е целото маало, како и просторот околу реката Сава. Според „Јутарњи“, потрагата и денеска ќе продолжи во тој дел, а ќе се прегледува и со дрон.
View this post on Instagram
Kако што соопшти нејзиниот сопруг Карло, Маријана исчезнала од домашната адреса на улицата „Ластовска“ во Загреб среде ноќ. Во моментот на исчезнувањето, Маријана била облечена во кратка жолта маица, црна спортска јакна, црни хеланки со бело-црвени шари и светли патики.
View this post on Instagram
Според последните информации пронајдени се нејзиниот мобилен телефон и паричникот со документи покрај мостот Младост во близина на населбата каде поранешната ѕвезда живее со сопругот. Полицијата детално го пребарува просторот, а повремено користи и дрон, информираат хрватските медиуми.
„Не се знае ништо. Се чувствувам лошо. Моментално сум дома, морам да се погрижам за децата“, вели нејзиниот сопруг Карло. Тој и Маријана добија дете во 2020 година, а таа има и 14-годишна ќерка од првиот брак.
Маријана пред една деценија беше најозборуваната личност на овие простори откако во популарното шоу „Големиот брат“ јавно пред камерите го изневери тогашниот сопруг со српскиот пејач Никола Немешевиќ Немеш со кого подоцна кратко беше и во брак.
