Сопругот на пејачката Анастасија Ражнатовиќ, фудбалерот Немања Гудељ е тешко повреден и ќе биде опериран во наредните денови. Поради оваа причина, тој веројатно нема да настапи на Европското првенство во фудбал, како дел од фудбалската репрезентација на Србија.
Оваа вест го потресе фудбалскиот свет, а многумина веднаш се запрашаа каде е Ражнатовиќ во овие моменти, со оглед на тоа што се знае дека си даваат голема поддршка.
Пејачката сподели снимка на својот инстаграм-профил, на која покажа дека ќе патува некаде од железничката станица во шпанскиот град Севиља, каде што живеат со Гудељ. Но, таа не ја откри точната локација каде што ќе патува.
Да потсетиме, Анастасија Ражнатовиќ и Немања Гудељ веќе неколку месеци уживаат во бракот и живеат во Севиља.
Нивниот брак го одбележа романтично запросување на Ибица, организирано од самиот фудбалер.
Тие се венчаа во манастир во Србија, опкружени со семејството и пријателите.
