Пејачката Неда Украден (74) со години ги изненадува обожавателите со својот младешки изглед. И додека голем број нејзини фанови ја фалат нејзината линија и беспрекорниот стил, има и такви кои не се согласуваат и критикуваат.
Таа на својот Инстаграм профил неодамна објави нова фотографија на која позира во едноставен виолетов едноделен костим за капење.
„Збогум море, тргнав на планина“, напиша таа покрај објавата, цитирајќи ја познатата песна на „Бијело Дугме“.
Некои следбеници ја обвинија дека тајната на нејзиниот беспрекорен изглед е, всушност, фотошоп.
„Отвори Фотошоп и направи девојка од баба“, „Лесно е да изгледаш така кога не си кренала ништо потешко од лажица“, „Недо, имаш 70 години и се сликаш во гаќи“, гласат дел од коментарите.
View this post on Instagram
На крајот се огласи и самата Неда која им одговори на критиките.
„Ајде, имаш оштетен вид, па не можеш да видиш што е фотошоп, а што не е. А и тоа што не ме сакаш, а ме следиш и се нервираш, и тоа е во ред. Бидејќи како може една карикатура како тебе да ме сака? Но, зошто чувствуваш потреба да ја завиткаш својата љубомора во шовинизам и притоа без никаков срам да ја објавиш? Мене ми е жал за тебе. Можам да замислам колку си изнервирана. Уф, колку патетично“, ѝ напиша Украден на една следбеничка што ја искритикува.
