Фронтменот на легендарната група „Рибља чорба“, Бора Ѓорѓевиќ (71), попознат како Бора Чорба, беше приклучен на кислород, а вчера и на респиратор, откако неговото здравје значително се влошило.
Оваа вест е за српски „Ало!“ откри неговиот менаџер Бане Обрадовиќ.
– Бора во моментот е на респиратор поради компликации предизвикани од хронична опструктивна болест на белите дробови. Се надеваме на подобри вести во наредниот период – рекол менаџерот на Бора, Бане Обрадовиќ, а сега се огласи и блискиот пријател на Бора, Гале од групата „Кербер“, кој откри дека и самиот се слушнал со Бане и дека состојбата на Бора воопшто не е добра.
– Се слушнав денеска со неговиот менаџер. Бора не е добар, воопшто не е добар. Не би ја отворал премногу таа приказна, не гледам како би можел да се опорави. Тој е навистина голем борец, ние сме добри пријатели. Не можев да дојдам до него, навистина е болен, во болница е, во Словенија. Нема позитивни вибрации дека тоа ќе излезе на добро – рекол Гале за српските медиуми и додал:
– Се надевам и му се молам на Бога, но не е добро… Не се озборувања, ниту претерувања… Нашиот Бора навистина не е добро – искрен бил Гале, кој бил на работ на солзи.
Да потсетиме, Бора Ѓорѓевиќ има проблеми со белите дробови, а состојбата значително му се влошила. Фронтменот на „Рибља чорбе“ пред пет дена е задржан во болница во Љубљана поради проблеми со белите дробови.
