Креативниот директор на „Гранд“, Саша Поповиќ, извесно време отсуствува од емисиите поради неговата здравствена состојба.
Весна Милановиќ, ПР на „Гранд“ продукција, проговори за враќањето на Саша Поповиќ, а како што истакна, тој наскоро ќе ѝ се обрати на јавноста.
– Не би коментирала многу за здравствената состојба на Сале. Ние го очекуваме наскоро и тој тогаш ќе им се обрати на сите. Тогаш ќе можете да го прашате сè што ве интересира – кратко рекла Весна Милановиќ.
Додека Саша не се врати на снимањето и обврските во „Ѕвездите на Гранд“, на негово место е Воја Недељковиќ.
– Јас сум вршител на должноста, само ВД, тука сум наместо Саша Поповиќ. Очекуваме и Сале да ни се придружи наскоро. Сале дојди, продолжи со својата работа, онаму каде што застанавме. Јас сум, тука, како што кажав, ВД во име на продукцијата – рекол Воја.
Воја признал дека му било голем предизвик да го замени Саша, но и дека дури сега сфаќа како му е.
– Тоа беше голема задача за мене. Знам дека Саша е на опоравување и очекуваме да се врати и сакаме да се врати, бидејќи тоа е навистина жежок стол. Работам со години, но секогаш некоја друга работа, не оваа што ја работи тој. Дури кога ќе седнеш на тој стол сфаќаш што сè мора да држиш под контрола, и пејачите и жирито, особено сега кога тие не ги гледаат пејачот или пејачката, туку само ги слушаат… Не смееш да им сугерираш, па затоа е многу тешко, но можам да замислам колку е тешко кога ќе дојде двобојот меѓу менторите. Кога секој има свој кандидат. Некои двајца седат со Саша, а оние шестмината седат таму и даваат оценки. Е, тогаш тоа е навистина израелско-палестински конфликт – рекол Воја.
