Пејачката Милица Тодоровиќ јавно ѝ го честиташе роденденот на својата мајка, споделувајќи емотивни фотографии од родниот Крушевац.
По неодамнешното породување, кога на свет го донесе синот Богдан, пејачката има уште една причина за славење, па во нејзиниот дом владее празнична атмосфера и позитивна енергија.
На објавените фотографии може да се види нејзината мајка како седи на маса во пријатен амбиент, насмеана и расположена, со чаша пијалак во раката, подготвена за прослава.
„Мајчице, среќен роденден“, напиша Милица покрај фотографијата.
Во продолжение од објавата, пејачката уште еднаш покажа колку ѝ значи семејството, споделувајќи топли моменти од домот во кој пораснала.
Инаку, Милица Тодоровиќ својата прва љубов ја доживеала со пејачот Ненад Јовановиќ. Двајцата биле во врска неколку години, а по раскинувањето останале во добри односи.
„Милица и јас останавме во одлични односи, иако на некои луѓе тоа им е чудно. Таа е одлична девојка, квалитетен и талентиран човек. Во тешки моменти се слушаме и си даваме поддршка“, изјавил Јовановиќ.
Денес, Ненад не се експонира многу во медиумите, но и понатаму настапува и има свој бизнис – посластичарница во Белград, која ја отворил со сопругата.
По раскинувањето со Милица, тој ја пронашол својата среќа во бракот, со кој добил син по име Данило.
