Славниот Мик Џегер ја воодушевил својата девојка Мелани Хамрик со необичен подарок.
Имено, легендарниот пејач на групата „The Rolling Stones“ купил куќа вредна два милиони долари за својата партнерка, пренесува списанието „People“.
Имотот се наоѓа помеѓу Сарасота и Брадентон, Флорида. „Областа е тивка, приватна и далеку од градскиот метеж“, изјавил извор близок до парот.
Мелани Хамик и Мик Џегер, наводно, се одлучиле за овој имот по виртуелна тура за продажба на имоти, а притоа никогаш не ја посетиле физички локацијата.
Куќата е уредена во медитерански стил, изградена во 2008 година, има неколку надворешни простории за живеење, два камини и базен во слободна форма. Внатрешноста е „класично формална“, со четири спални соби.
Мик Џегер и Мелани Хамик се запознале во 2014 година и од тогаш се неразделни.
