Легендарната пејачка Лепа Брена пред неколку години беше главна тема во регионалните медиуми поради, како што се пишуваше тогаш, две евра.
Многумина го коментираа нејзиниот гест, кога трчала по човек кому му паднала монета од две евра на аеродромот „Никола Тесла“ во Белград.
Пејачката чекала ред за скенирање и контрола на багажот, кога видела дека на патникот пред неа му паднала паричка. Пејачката ги зела парите и брзо тргнала кон човекот, кој веќе седнал и чекал да се качи на летот. Кога таа се појавила пред него, тој останал шокиран од фактот дека пред него стоела легендата на југословенската музика.
Брена седнала до него и учтиво го поздравила, а потоа му ги вратила парите и го „искарала“.
„Никогаш не се откажувај од парите на таков начин. И ситните пари се пари. Никогаш не знаеш кога и зошто ќе ти затребаат“, му рекла Брена, а пренесува „Курир“.
