Пејачката Јелена Карлеуша истакна дека ѝ е симпатична колешката Рада Манојловиќ, но дека немаат заеднички теми и не знае за што би разговарале.
Рада Манојловиќ неодамна беше дел од жирито на „Пинкови ѕвезди“, каде што ја заменуваше Зорица Брунцлик, по што изјави дека Карлеуша не разговарала со неа за време на паузите од снимањето. Оваа изјава Карлеуша ја демантираше.
„Не, тоа не е вистина, лаже. Не знам ни за што би зборувала со неа, ако ме прашала нешто, би ѝ одговорила. Не знам за што зборува, симпатична ми е“, изјави Јелена.
На забелешката на новинар дека Рада можеби се исплашила од неа, Карлеуша реагираше: „Да се плаши од мене? Кој се плаши од мене, јас сум толку прекрасна!“.
